انهاردة ١،٨مليار بني ادم من سكان العالم ما بين سن ١٠-٢٤ سنة ، و ده يعتبر اكبر عدد من الشباب في وقت واحد في تاريخ البشرية ، ٩٠ في المية من الشباب دول بيعيشوا في الدول النامية و بيمثلوا نسبة كبيرة جدا من سكان الدول دي و العدد كل يوم بيزيد اكتر، المثير للاهتمام ان الشباب الأيام دي هم أكبر مساهم في تنمية مجتمعاتهم من خلال افكارهم و إبداعهم في الحلول المختلفة لتنمية بلادهم اجتماعيا و سياسيا و كمان اقتصاديا . و ده بيخليهم وكلاء و سفراء للتغيير الي بيحصل و هيحصل فالعالم بتاعنا عن طريق تحقيقهم لاهداف التنمية المستدامة من اجل عالم افضل و اكثر صحة و اكثر سعادة . و بالتالي ، بتمكين الشباب دول و توفير المهارات و الفرص ليهم عشان يوصلوا لطموحهم .. الشباب دول هيبقوا قوة كبيرة بتغير و بتطور و كمان بتساهم في التنمية المحلية و بناء السلام العالمي. و عشان كدة لازم يبقي فيه دعم و تشجيع اكبر للمؤسسات الشبابية عشان تساهم اكتر في اجندة ٢٠٣٠ و تشارك في تحقيق اهداف التنمية المستدامة ال١٧ . و عشان كدة احنا في إدوكواليتي مؤمنين ان الشباب الايام دي قادرين علي احداث تغييرات غير مسبوقة فالعالم بتاعنا ليصبح عالم افضل للجميع .
0
Comments

Leave a Reply

Your email address will not be published. Required fields are marked *

© 2020 educuality
All Rights Reserved